భారత నౌకాదళంలోకి మూడు సరికొత్త యుద్ధనౌకలు

కోల్‌కతాలో రేపు దునాగిరి, సంశోధక్, అగ్రయ్ యుద్ధనౌకలను రక్షణ శాఖ కమిషన్ చేయనుంది. స్వదేశీ సాంకేతికతతో రూపొందిన ఈ నౌకలు నౌకాదళ పోరాట సామర్థ్యాన్ని, వ్యూహాత్మక పట్టును గణనీయంగా పెంచనున్నాయి. శత్రు జలంతర్గాములను మట్టుబెట్టడం, సముద్ర గర్భ పరిశోధనలు చేయడంలో ఇవి కీలక పాత్ర పోషిస్తాయి. దాదాపు 75 శాతం స్వదేశీ పరిజ్ఞానంతో తయారైన ఈ వేదికలు రక్షణ రంగంలో సరికొత్త చరిత్రను సృష్టించబోతున్నాయి.