ప్రభుత్వ సెక్యూరిటీలపై ఎఫ్‌ఐఐలకు పన్ను మినహాయింపు

ప్రభుత్వ సెక్యూరిటీలలో పెట్టుబడి పెట్టే విదేశీ సంస్థాగత పెట్టుబడిదారులకు (FII) మూలధన లాభాలు, వడ్డీ ఆదాయంపై పన్ను మినహాయింపును కేంద్రం ప్రకటించింది. ఆదాయపు పన్ను (సవరణ) ఆర్డినెన్స్, 2026 ద్వారా ఈ నిర్ణయం తీసుకున్నట్లు ఆర్థిక మంత్రిత్వ శాఖ తెలిపింది. ఈ ఉత్తర్వులు ఏప్రిల్ 1 నుండి వర్తిస్తాయి. ఈ సంస్కరణ ద్వారా దీర్ఘకాలిక విదేశీ పెట్టుబడులను ఆకర్షించడంతో పాటు, భారతీయ మార్కెట్లలో పెట్టుబడి ప్రక్రియను సులభతరం చేయాలని ప్రభుత్వం భావిస్తోంది. ప్రపంచ స్థాయి ఆర్థిక మార్కెట్లతో సమానంగా భారత్‌ను తీర్చిదిద్దేందుకు ఈ నిర్ణయం దోహదపడుతుందని మంత్రిత్వ శాఖ పేర్కొంది.