నదుల స్వచ్ఛతకు ప్రత్యేక టాస్క్‌ఫోర్స్

గోదావరి, ఇతర నదుల్లో కాలుష్యాన్ని అరికట్టేందుకు ప్రభుత్వం ప్రత్యేక టాస్క్‌ఫోర్స్‌ను ఏర్పాటు చేసింది. ఉపముఖ్యమంత్రి పవన్ కల్యాణ్ ఆదేశాల మేరకు, ఆరు జిల్లాల అధికారులతో కూడిన ఈ కమిటీకి అటవీ, పర్యావరణ శాఖ ముఖ్యకార్యదర్శి ఛైర్మన్‌గా వ్యవహరిస్తారు. పుష్కరాలకు ముందు కాలుష్య కారకాలను గుర్తించి, వాటిని నివారించడం ఈ బృందం ప్రధాన లక్ష్యం. ఈ టాస్క్‌ఫోర్స్ ప్రతి రెండు వారాలకోసారి సమావేశమై కాలుష్య నివారణా చర్యలను పర్యవేక్షిస్తుంది. పలు శాఖల కమిషనర్లు, సంబంధిత జిల్లాల కలెక్టర్లు సభ్యులుగా ఉండే ఈ కమిటీ, నదుల స్వచ్ఛతను కాపాడేందుకు సమగ్ర కార్యాచరణను సిద్ధం చేయనుంది.