తెలంగాణలో నిప్పుల వర్షం: 47 డిగ్రీలకు చేరనున్న ఎండలు

తెలంగాణలో మే 14 నుండి 21 వరకు తీవ్రమైన వడగాల్పులు వీస్తాయని వాతావరణ శాఖ రెడ్ అలర్ట్ జారీ చేసింది. ఉత్తర, తూర్పు జిల్లాల్లో ఎండలు 47 డిగ్రీలకు చేరే అవకాశం ఉండటంతో ప్రజలు అప్రమత్తంగా ఉండాలని హెచ్చరించింది. మధ్యాహ్నం ప్రయాణాలు వాయిదా వేసుకోవాలని, డీహైడ్రేషన్ బారిన పడకుండా నీళ్లు, ఓఆర్ఎస్ తీసుకోవాలని అధికారులు సూచించారు. హైదరాబాద్‌లోనూ 44 డిగ్రీల వరకు ఉష్ణోగ్రతలు నమోదయ్యే ప్రమాదం ఉందని, వడదెబ్బ తగలకుండా జాగ్రత్తలు తీసుకోవాలని స్పష్టం చేశారు.