పాలమూరు ప్రాజెక్టులు: సీఎం రేవంత్ సమీక్ష

ఉమ్మడి పాలమూరు జిల్లా సాగునీటి ప్రాజెక్టుల పనులను వేగవంతం చేసేందుకు ముఖ్యమంత్రి రేవంత్ రెడ్డి జూన్ 4, 5 తేదీల్లో పర్యటించనున్నారు. పాలమూరు-రంగారెడ్డి ఎత్తిపోతల పథకంతో పాటు పలు రిజర్వాయర్లు, పంప్‌హౌస్‌లను క్షేత్రస్థాయిలో పరిశీలించి ఉన్నతస్థాయి సమీక్ష నిర్వహించనున్నారు. ఈ పర్యటన నేపథ్యంలో ఉమ్మడి మహబూబ్‌నగర్ జిల్లా అధికార యంత్రాంగం అన్ని ఏర్పాట్లను పూర్తి చేసింది. మంత్రి జూపల్లి కృష్ణారావు, ప్రజాప్రతినిధులు జడ్చర్లలోని హెలిప్యాడ్, భద్రతా ఏర్పాట్లను స్వయంగా పర్యవేక్షించి విజయవంతం చేయాలని అధికారులను ఆదేశించారు.