డా. కుమారస్వామి తంగరాజ్‌కు పద్మశ్రీ

సైన్స్ రంగంలో చేసిన విశిష్ట పరిశోధనలకు గానూ ప్రముఖ జన్యు శాస్త్రవేత్త డాక్టర్ కుమారస్వామి తంగరాజ్‌కు ‘పద్మశ్రీ’ అవార్డు దక్కింది. రాష్ట్రపతి భవన్‌లో జరిగిన వేడుకలో రాష్ట్రపతి ద్రౌపది ముర్ము చేతుల మీదుగా ఆయన ఈ అత్యున్నత పురస్కారాన్ని అందుకున్నారు. అండమాన్ తెగలు, భారతీయ జనాభా మూలాలపై ఆయన చేసిన జన్యు పరిశోధనలు అంతర్జాతీయంగా గుర్తింపు పొందాయి. మానవ పరిణామ క్రమం, వలసల ఆవిష్కరణలో ఆయన కృషి మైలురాయిగా నిలిచింది.