ఒలింపిక్‌ పతక విజేతపై సాక్షి విజయం

ఆసియా క్రీడల మహిళల 51 కేజీల బాక్సింగ్‌లో భారత్‌కు చెందిన సాక్షి చౌదరి ప్రీ-క్వార్టర్స్‌కు చేరింది. ఫిలిప్పీన్స్‌కు చెందిన ఒలింపిక్‌ పతక విజేత ఐరా విలెగాస్‌ను 5-0తో ఓడించింది. మూడు రౌండ్లలోనూ ఆధిపత్యం ప్రదర్శించింది. ఇటీవల కామన్వెల్త్‌ గేమ్స్‌, వరల్డ్‌ బాక్సింగ్‌ కప్‌లో స్వర్ణాలు సాధించిన సాక్షి.. తదుపరి రౌండ్‌లో కజకిస్థాన్‌కు చెందిన అలువా బాల్కిబెకోవాతో తలపడనుంది. ఈ మ్యాచ్‌ గురువారం జరగనుంది.