ఎన్నారై ఓటర్లకు అలర్ట్: మొబైల్ నంబర్ లింక్ చేసుకోండి

తెలంగాణకు చెందిన ఎన్నారైలు తమ ఓటర్ ఐడీకి మొబైల్ నంబర్‌ను తప్పనిసరిగా లింక్ చేసుకోవాలని ఎన్నికల సంఘం సూచించింది. జూన్ 15 నుంచి ప్రారంభం కానున్న ప్రత్యేక ఓటర్ల జాబితా సవరణ నేపథ్యంలో ఈ ప్రక్రియను పూర్తి చేయాలని అధికారులు ఆదేశించారు. మొబైల్ నంబర్ లింక్ చేయకపోతే ఆన్‌లైన్‌లో వివరాలు సమర్పించడం సాధ్యం కాదని అధికారులు స్పష్టం చేశారు. దీనివల్ల ఓటర్ల జాబితాలో చేరడంలో ఇబ్బందులు ఎదురవుతాయని, కాబట్టి ప్రవాస భారతీయులు తక్షణమే ఈ ప్రక్రియ పూర్తి చేయాలని కోరారు.