భారత్‌తో బంధంపై నెతన్యాహు కీలక వ్యాఖ్యలు

ఇండియాలో తనకు మద్దతు, ఫాలోవర్లు చాలా ఎక్కువగా ఉన్నారని ఇజ్రాయెల్ ప్రధాని బెంజమిన్ నెతన్యాహు తెలిపారు. భారత్ తమకు అత్యంత కీలకమైన వ్యూహాత్మక భాగస్వామి అని ఆయన ప్రశంసించారు. ప్రపంచవ్యాప్తంగా ఇజ్రాయెల్‌ను వేరుగా చూస్తున్నా, భారత్‌లో మాత్రం తమకు అమితమైన ప్రేమ, గుర్తింపు లభిస్తున్నాయని పేర్కొన్నారు. ఇరాన్‌తో ఉద్రిక్తతల నేపథ్యంలో ప్రాంతీయ శక్తులతో స్నేహాన్ని బలోపేతం చేసుకోవడానికి ఇజ్రాయెల్ ప్రయత్నిస్తోంది. భారత్ లాంటి గొప్ప శక్తివంతమైన దేశంతో సాంకేతిక, ఆర్థిక రంగాలలో మరింత విశిష్టమైన బంధాన్ని ఏర్పరచుకోవాలని ఆశిస్తున్నట్లు నెతన్యాహు స్పష్టం చేశారు.