నెల్లుట్ల ఫ్లైఓవర్ వద్ద ఘోర ప్రమాదం

జనగామ జిల్లా నెల్లుట్ల ఫ్లైఓవర్ సమీపంలో జరిగిన ఘోర రోడ్డు ప్రమాదంలో ముగ్గురు వ్యక్తులు దుర్మరణం చెందారు. బొలెరో వాహనం టైర్ పంక్చర్ కావడంతో సాయం చేస్తున్న సమయంలో, వెనుక నుంచి వచ్చిన లారీ అతివేగంతో ఢీకొనడంతో ఈ విషాదం చోటుచేసుకుంది. సమాచారం అందుకున్న పోలీసులు సంఘటనా స్థలానికి చేరుకుని మృతదేహాలను పోస్టుమార్టం నిమిత్తం జనగామ ఆసుపత్రికి తరలించారు. కేసు నమోదు చేసిన పోలీసులు ఘటనపై దర్యాప్తు చేస్తున్నారు.