జాతీయ సాఫ్ట్‌బాల్‌ పోటీలకు తొర్రూరు విద్యార్థిని

రాష్ట్రస్థాయి సాఫ్ట్‌బాల్‌ పోటీల్లో ప్రతిభ కనబరిచిన తొర్రూరు మైనార్టీ పాఠశాల విద్యార్థిని రక్షిత జాతీయ పోటీలకు ఎంపికైంది. ఈ నెల 30, 31 తేదీల్లో మహారాష్ట్రలోని షిరిడీలో జరిగే పోటీల్లో ఆమె పాల్గొననుంది. ఈ సందర్భంగా పాఠశాల ప్రిన్సిపల్‌ వనజ, వ్యాయామ ఉపాధ్యాయురాలు కళ్యాణి రక్షితను అభినందించారు. తమ విద్యార్థిని జాతీయస్థాయికి ఎంపిక కావడంపై హర్షం వ్యక్తం చేశారు.