ఐరాసలో పాక్‌కు భారత్ గట్టి కౌంటర్

ఐక్యరాజ్యసమితి వేదికగా కశ్మీర్ అంశాన్ని ప్రస్తావించిన పాకిస్థాన్‌కు భారత్ దీటుగా బదులిచ్చింది. జమ్మూ కశ్మీర్ భారతదేశంలో అంతర్భాగమని, ఇది పూర్తిగా అంతర్గత విషయమని భారత ప్రతినిధి పర్వతనేని హరీష్ స్పష్టం చేశారు. పాక్ చేస్తున్న తప్పుడు ప్రచారాలను భారత్ తీవ్రంగా ఖండించింది. అంతేకాకుండా, గిల్గిత్-బాల్టిస్తాన్‌లో పాకిస్థాన్ ఎన్నికలు నిర్వహించడాన్ని భారత్ తీవ్రంగా వ్యతిరేకించింది. ఆ ప్రాంతం చట్టవిరుద్ధంగా పాక్ ఆక్రమణలో ఉన్న భారత భూభాగమని విదేశాంగ శాఖ స్పష్టం చేసింది. రాజకీయ ప్రయోజనాల కోసం అంతర్జాతీయ వేదికలను దుర్వినియోగం చేయవద్దని భారత్ హెచ్చరించింది.