కాక్రోచ్ జనతా పార్టీ నిరసన: ఢిల్లీకి చేరుకున్న అభిజీత్ దీప్కే

నీట్, ఇతర పరీక్షల్లో అక్రమాలకు వ్యతిరేకంగా 'కాక్రోచ్ జనతా పార్టీ' వ్యవస్థాపకుడు అభిజీత్ దీప్కే ఢిల్లీ చేరుకున్నారు. జంతర్ మంతర్ వద్ద శాంతియుత నిరసన కోసం ఆయన తన మద్దతుదారులను పుస్తకం, జాతీయ జెండాలతో రావాలని కోరారు. పోలీసులకు పూలు అందించి క్రమశిక్షణతో ఉద్యమించాలని పిలుపునిచ్చారు. విద్యాశాఖ మంత్రి ధర్మేంద్ర ప్రధాన్ రాజీనామా చేయాలనేది వీరి ప్రధాన డిమాండ్. ఒకవేళ దీప్కేను అరెస్టు చేస్తే ఆరు వారాల నిరాహార దీక్ష చేపడతామని సామాజిక కార్యకర్త సోనమ్ వాంగ్‌చుక్ హెచ్చరించారు. ఈ ఉద్యమం ఇప్పుడు జాతీయ స్థాయిలో చర్చనీయాంశంగా మారింది.