గ్రామాల్లో హై-స్పీడ్ ఇంటర్నెట్: ప్రభుత్వం కీలక నిర్ణయం

తెలంగాణలోని మారుమూల గ్రామాల్లో డిజిటల్ కనెక్టివిటీని పెంచేందుకు రాష్ట్ర ప్రభుత్వం నడుం బిగించింది. భారత్‌నెట్ ప్రోగ్రామ్‌లో భాగంగా 'తెలంగాణ రూరల్ ఇంటర్నెట్ ఇన్‌ఫ్రాస్ట్రక్చర్ కార్పొరేషన్ (TRAICL)'ను ఏర్పాటు చేస్తూ ప్రభుత్వం ఉత్తర్వులు జారీ చేసింది. ఈ సంస్థ మండల కేంద్రాల నుంచి గ్రామాలకు హై-స్పీడ్ నెట్‌వర్క్ విస్తరణ మరియు నిర్వహణ బాధ్యతలను పర్యవేక్షిస్తుంది. కేంద్ర, రాష్ట్ర అధికారులతో కూడిన బోర్డు ద్వారా ఈ డిజిటల్ విప్లవానికి శ్రీకారం చుడుతోంది.