గుట్టపాళ్యం రోడ్డుపై భారీ గుంతలు

రామసముద్రం-కురిజాల మీదుగా కర్ణాటకలోని ములబాగిల్‌కు వెళ్లే రహదారి గుంతలమయంగా మారింది. గుట్టపాళ్యం నుంచి సరిహద్దు వరకు నాలుగు కిలోమీటర్ల మేర అడుగడుగునా గుంతలు ఏర్పడ్డాయి. బెంగళూరుకు వెళ్లేందుకు ఇదే ప్రధాన మార్గం కావడంతో వాహనదారులు తీవ్ర ఇబ్బందులు పడుతున్నారు. ప్రభుత్వం స్పందించి రహదారి మరమ్మతులు చేపట్టాలని స్థానికులు కోరుతున్నారు.