పశ్చిమ బెంగాల్‌లో భావోద్వేగ దృశ్యం.. వృద్ధుడైన మఖన్‌లాల్ పాదాలకు మొక్కిన మోదీ!

పశ్చిమ బెంగాల్ నూతన ముఖ్యమంత్రిగా సువేందు అధికారి ప్రమాణ స్వీకారోత్సవంలో ప్రధాని మోదీ అందరినీ ఆశ్చర్యపరిచారు. 98 ఏళ్ల బిజెపి సీనియర్ కార్యకర్త మఖన్‌లాల్ సర్కార్ పాదాలకు మొక్కి ఆశీర్వాదం తీసుకున్నారు. శ్యామా ప్రసాద్ ముఖర్జీకి అత్యంత సన్నిహితుడైన మఖన్‌లాల్ పట్ల మోదీ చూపిన ఈ గౌరవానికి సభలో చప్పట్లు మారుమోగాయి. ఈ అరుదైన దృశ్యం ఇప్పుడు సోషల్ మీడియాలో వైరల్‌గా మారింది. పార్టీ పట్ల మఖన్‌లాల్ చేసిన సుదీర్ఘ సేవలను కొనియాడుతూ ప్రధాని భావోద్వేగానికి లోనయ్యారు. ఒక సామాన్య కార్యకర్తకు ప్రధానమంత్రి ఇచ్చిన ఈ గౌరవం అందరి మనసు గెలుచుకుంది.