ధాన్యం కొనుగోలులో జాప్యం: రైతుల రహదారి దిగ్బంధం

సారంగాపూర్ మండలం పోతరంలో ధాన్యం కొనుగోలు చేయడం లేదంటూ రైతులు రహదారిపై బైఠాయించి నిరసన తెలిపారు. నెల రోజులుగా కొనుగోలు కేంద్రంలో ధాన్యం ఉన్నా, ఇంతవరకు కాంటాలు (తూకం) నిర్వహించలేదని వారు ఆవేదన వ్యక్తం చేశారు. తహసీల్దార్ ఘటనా స్థలానికి చేరుకుని, కొనుగోలు ప్రక్రియను వేగవంతం చేస్తామని హామీ ఇవ్వడంతో రైతులు ఆందోళన విరమించారు. వర్షాకాలం సమీపిస్తున్న తరుణంలో ప్రభుత్వం తక్షణమే స్పందించాలని రైతులు డిమాండ్ చేశారు.