కీలక మలుపు: కిషావు డ్యామ్ ప్రాజెక్టుపై ఏకాభిప్రాయం

కేంద్ర హోంమంత్రి అమిత్ షా నేతృత్వంలో ఆరు రాష్ట్రాల మధ్య కిషావు మల్టీ-పర్పస్ డ్యామ్ ప్రాజెక్టుపై ఒప్పందం కుదిరింది. యమునా నది పునరుజ్జీవనానికి ఈ ప్రాజెక్టు కీలకం కానుంది. ప్రాజెక్టు నిధుల్లో కేంద్రం 90% భరిస్తుండగా, మిగిలిన 10% రాష్ట్రాలు పంచుకుంటాయి. ఈ ఒప్పందంతో యమునా నదిలో స్వచ్ఛమైన నీటి ప్రవాహం పెరిగి, నది కాలుష్య రహితంగా మారుతుందని కేంద్ర హోంమంత్రిత్వ శాఖ పేర్కొంది. త్వరలోనే ఈ ప్రాజెక్టును కేంద్ర మంత్రివర్గ ఆమోదం కోసం సమర్పించనున్నారు.