కుర్చీ వెనుక కుట్ర

మధ్యప్రదేశ్ సీఎంను అవమానించేందుకు కాంగ్రెస్ నేతలు పవన్ ఖేరా, జితు పట్వారీ ఉద్దేశపూర్వకంగా కుట్ర పన్నుతున్నారని రాష్ట్ర మంత్రి కృష్ణా గౌర్ ఆరోపించారు. ఓబీసీ వర్గానికి చెందిన ముఖ్యమంత్రి ప్రతిష్టను దిగజార్చేందుకు విపక్షం వ్యూహాత్మకంగా ప్రయత్నిస్తోందని ఆమె తీవ్రంగా మండిపడ్డారు. ఆయన నాయకత్వంలో మధ్యప్రదేశ్ రాష్ట్రం ఏ విధంగా దూసుకుపోతుందో, ఎలాంటి ప్రగతిని సాధిస్తుందో కాంగ్రెస్ నాయకులు ముందుగా గ్రహించాలని మంత్రి కృష్ణా గౌర్ హితవు పలికారు. రాజకీయ ప్రయోజనాల కోసమే ఇలాంటి ఆరోపణలు చేస్తున్నారని ధ్వజమెత్తారు.