సముద్ర గర్భంలో చైనా డేటా సెంటర్

కృత్రిమ మేధ అవసరాలను తీర్చేందుకు చైనా ప్రపంచంలోనే తొలిసారిగా సముద్ర గర్భంలో పవన విద్యుత్తుతో నడిచే డేటా సెంటర్‌ను ఏర్పాటు చేసింది. షాంఘై తీరంలో ఉన్న ఈ ప్రాజెక్టు సహజ శీతలీకరణతో విద్యుత్తును ఆదా చేస్తోంది. ఈ వినూత్న ప్రయత్నం భూ ఆధారిత సెంటర్ల విద్యుత్ వినియోగాన్ని గణనీయంగా తగ్గిస్తుంది. అయితే, సముద్ర జీవావరణ వ్యవస్థకు ముప్పు వాటిల్లకుండా తగిన జాగ్రత్తలు తీసుకోవాలని నిపుణులు సూచిస్తున్నారు.