ఐఐటీ బాంబే క్యాంపస్‌లో చిరుత సంచారం: కుక్కను వేటాడిన వైనం

ముంబైలోని ఐఐటీ బాంబే క్యాంపస్‌లోకి ప్రవేశించిన చిరుత, స్టాఫ్ హాస్టల్ సమీపంలో ఒక కుక్కను చంపి ఎత్తుకెళ్లింది. ఈ ఘటన 19వ తేదీ తెల్లవారుజామున సీసీ కెమెరాల్లో రికార్డైంది. క్యాంపస్ నివాసితులు, విద్యార్థులు ఈ ఘటనతో తీవ్ర భయాందోళనకు గురవుతున్నారు. అడవికి ఆనుకొని ఉండటంతో ఇక్కడ చిరుతల సంచారం తరచూ జరుగుతోందని, రాత్రి వేళల్లో భద్రతా చర్యలు చేపట్టాలని స్థానికులు కోరుతున్నారు.