సీబీఎస్‌ఈ 12వ తరగతి రీ-ఎవాల్యుయేషన్

సీబీఎస్‌ఈ 12వ తరగతి మూల్యాంకనంలో తలెత్తిన సమస్యల నేపథ్యంలో రీ-ఎవాల్యుయేషన్ ప్రక్రియను ప్రారంభించనున్నట్లు కేంద్ర మంత్రి ధర్మేంద్ర ప్రధాన్ ప్రకటించారు. విద్యార్థుల సందేహాలను పరిష్కరిస్తూ, లోపాలపై బాధ్యత వహిస్తామని ఆయన స్పష్టం చేశారు. ఈ ప్రక్రియలో పారదర్శకతను పాటిస్తామని హామీ ఇచ్చారు. ఆన్-స్క్రీన్ మార్కింగ్ విధానాన్ని తొలిసారిగా దేశంలో అమలు చేస్తున్నామని మంత్రి తెలిపారు. సుమారు 40 కోట్ల స్కాన్ చేసిన పేజీలను ఈ పద్ధతి ద్వారానే మూల్యాంకనం చేస్తున్నట్లు ఆయన పేర్కొన్నారు. తప్పులను సరిదిద్ది, భవిష్యత్తులో ఇటువంటి సమస్యలు పునరావృతం కాకుండా తగిన చర్యలు తీసుకుంటామని ఆయన వెల్లడించారు.