ఉక్కు పరిశ్రమలో డిజిటలైజేషన్‌కు మంత్రి పిలుపు

ఉక్కు పరిశ్రమ భవిష్యత్తు వృద్ధి కోసం డిజిటలైజేషన్‌ను స్వీకరించాలని కేంద్ర మంత్రి హెచ్.డి. కుమారస్వామి కోరారు. ఢిల్లీలో జరిగిన సమావేశంలో ఆయన మాట్లాడుతూ, ఉత్పాదకతను పెంచేందుకు ఏఐ, రోబోటిక్స్ వంటి సాంకేతికతలు తప్పనిసరి అని పేర్కొన్నారు. 2018 నుండి భారత్ ప్రపంచంలోనే రెండో అతిపెద్ద ఉక్కు ఉత్పత్తిదారుగా కొనసాగుతోందని మంత్రి వెల్లడించారు. అధునాతన సాంకేతికతల వినియోగంతో ఖర్చులను తగ్గించుకుంటూ, పరిశ్రమలో భద్రతను మెరుగుపరచవచ్చని ఆయన సూచించారు.