ఉద్యోగులకు ఏపీ ప్రభుత్వం ఊరట: సీఎం చంద్రబాబు కీలక నిర్ణయాలు

ప్రభుత్వ రంగ సంస్థలు, సొసైటీలు, కార్పొరేషన్లు, గురుకులాల ఉద్యోగుల పదవీ విరమణ వయసును 62 ఏళ్లకు పెంచే దస్త్రానికి ఏపీ సీఎం చంద్రబాబు ఆమోదం తెలిపారు. అలాగే, సీపీఎస్‌ అమల్లోకి రాకముందు నోటిఫికేషన్ ద్వారా ఎంపికైన 11 వేల మందికి పాత పింఛను (OPS) వర్తింపజేయడానికి అంగీకరించారు. ఈ నిర్ణయాల ద్వారా దాదాపు 26 వేల మంది ఉద్యోగులకు ఆర్థిక, వృత్తిపరమైన ప్రయోజనాలు చేకూరనున్నాయి. దీర్ఘకాలంగా పెండింగ్‌లో ఉన్న ఈ రెండు దస్త్రాలు త్వరలోనే రాష్ట్ర మంత్రిమండలి ఆమోదం కోసం ముందుకు రానున్నాయి.