ఆయా లేక అంగన్‌వాడీ టీచర్‌కు అదనపు భారం

దామరగిద్ద మండలం గడిమున్కన్‌పల్లి అంగన్‌వాడీ కేంద్రం-2లో మూడేళ్లుగా ఆయా నియామకం లేకపోవడంతో టీచర్ గోవిందమ్మే అన్ని పనులు నిర్వహిస్తున్నారు. పిల్లలను చూసుకోవడంతో పాటు వంట పనులు కూడా చేయాల్సి రావడంతో ఇబ్బందులు ఎదుర్కొంటున్నారు. సమస్యను పరిష్కరించి వెంటనే ఆయాను నియమించాలని విద్యార్థుల తల్లిదండ్రులు సంబంధిత అధికారులను కోరుతున్నారు.