హైదరాబాద్‌లో విషాదం: ఫోన్ రీఛార్జ్ చేయలేదని మహిళ ఆత్మహత్య

కుత్బుల్లాపూర్ పరిధిలోని ప్రశాంత్ నగర్‌లో కిరణ్మయి (26) అనే మహిళ ఆత్మహత్య చేసుకుంది. ఫోన్ రీఛార్జ్ చేయించలేదనే కారణంతో సహజీవనం చేస్తున్న ప్రియుడు వెంకటేష్‌తో గొడవపడి ఆమె ఈ అఘాయిత్యానికి పాల్పడినట్లు సమాచారం. మృతురాలి తల్లి ఫిర్యాదుతో పోలీసులు కేసు నమోదు చేసి విచారణ జరుపుతున్నారు. కేవలం రీఛార్జ్ విషయమే కారణమా లేక ఇతర కలహాలు ఉన్నాయా అనే కోణంలో దర్యాప్తు చేస్తున్నారు. చిన్న కారణంతో ప్రాణం పోవడం స్థానికులను కలచివేసింది.