రేషన్ దుకాణాల్లో ఇక జొన్నలు: పేదల ఆరోగ్యానికి సర్కార్ భారీ భరోసా!

తెలంగాణ రేషన్ కార్డుదారులకు బియ్యంతో పాటు జొన్నలు, మక్కలను పంపిణీ చేయాలని ప్రభుత్వం నిర్ణయించింది. మార్క్‌ఫెడ్ సేకరించిన ధాన్యాన్ని బహిరంగ వేలం వేయకుండా, నేరుగా పేదలకు, గురుకుల విద్యార్థులకు అందించాలని నిశ్చయించింది. మధ్యవర్తుల ప్రమేయం లేకుండా సామాన్యులకు బలవర్ధకమైన ఆహారం అందించడమే దీని లక్ష్యమని భట్టి విక్రమార్క తెలిపారు. పౌల్ట్రీ రైతులకు కూడా మక్కలను కేటాయించాలని ఆదేశించారు.