మే నెలాఖరుకు డబుల్ బెడ్ రూమ్ ఇళ్ల కేటాయింపు

అసంపూర్తిగా ఉన్న డబుల్ బెడ్ రూమ్ ఇళ్లను మే నెలాఖరుకల్లా అర్హులైన పేదలకే అందించాలని మంత్రి పొంగులేటి శ్రీనివాస్ రెడ్డి అధికారులను ఆదేశించారు. మౌలిక వసతుల కోసం రూ.400 కోట్లు కేటాయించి పనులు వేగవంతం చేయాలన్నారు. పారదర్శకంగా లబ్ధిదారుల ఎంపిక జరగాలని, కాంట్రాక్టర్లు విఫలమైతే లబ్ధిదారులే ఇళ్లు పూర్తి చేసుకునే అవకాశం కల్పిస్తామన్నారు. అక్రమాలకు పాల్పడితే కఠిన చర్యలు తీసుకుంటామని ఆయన హెచ్చరించారు.