బొల్లారం పరిశ్రమలో చెలరేగిన మంటలు: తృటిలో తప్పిన పెను ప్రమాదం!

సంగారెడ్డి జిల్లా ఐడీఏ బొల్లారంలోని గ్లోకెమ్ పరిశ్రమలో అగ్నిప్రమాదం సంభవించింది. ఒక బ్లాకులో మంటలు చెలరేగడంతో కార్మికులు ఆందోళనకు గురయ్యారు. సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని గంటపాటు శ్రమించి మంటలను అదుపులోకి తెచ్చారు. ఈ ప్రమాదంలో ఎటువంటి ప్రాణనష్టం జరగలేదని ఎస్సై కృష్ణారెడ్డి ధృవీకరించారు. సకాలంలో స్పందించడం వల్ల భారీ ఆస్తి నష్టం తప్పిందని అధికారులు తెలిపారు.