అంతరిక్ష రంగంలో సరికొత్త మైలురాయి: శ్రీహరికోటకు తరలిన విక్రమ్-1 రాకెట్!

హైదరాబాద్‌ స్కైరూట్ ఏరోస్పేస్ రూపొందించిన దేశపు తొలి ప్రైవేట్ ఆర్బిటల్ రాకెట్ 'విక్రమ్-1' ప్రస్థానం మొదలైంది. నగరంలోని మ్యాక్స్‌-క్యూ క్యాంపస్‌లో జరిగిన కార్యక్రమంలో ముఖ్యమంత్రి రేవంత్‌రెడ్డి, మంత్రి శ్రీధర్‌బాబు పాల్గొని, రాకెట్‌ను జెండా ఊపి శ్రీహరికోటకు పంపించారు. ప్రీ ఫ్లైట్ పరీక్షలన్నీ పూర్తి చేసుకున్న ఈ రాకెట్, తదుపరి ప్రయోగం కోసం సతీశ్ ధావన్ స్పేస్ సెంటర్‌కు చేరుకోనుంది. అంతరిక్ష రంగంలో ప్రైవేట్ భాగస్వామ్యాన్ని పెంపొందించే దిశగా ఈ కీలక ఘట్టం చోటుచేసుకుంది.