మహిళా రిజర్వేషన్ల బిల్లు చారిత్రాత్మక నిర్ణయం: 'నారీ శక్తి వందన్‌ సమ్మేళన్‌'లో ప్రధాని మోదీ ప్రసంగం.

దిల్లీలో నిర్వహించిన ‘నారీ శక్తి వందన్‌ సమ్మేళన్‌’లో ప్రధాని మోదీ మాట్లాడుతూ, మహిళా రిజర్వేషన్ల బిల్లు 21వ శతాబ్దంలోనే దేశం తీసుకోబోయే అత్యంత కీలక నిర్ణయమని అభివర్ణించారు. భారత ప్రజాస్వామ్యాన్ని బలోపేతం చేసేందుకు ఈ చట్టం ఎంతో అవసరమని, దీని అమలుకు అన్ని పార్టీలు సహకరించాలని ఆయన పిలుపునిచ్చారు. 2029 నాటికి మహిళా రిజర్వేషన్లు కచ్చితంగా అమల్లోకి రావాలని, ఇది దేశ చరిత్రలో ఒక సరికొత్త అధ్యాయాన్ని లిఖించబోతోందని ప్రధాని ధీమా వ్యక్తం చేశారు. మహిళల రాజకీయ భాగస్వామ్యం పెరగడం ద్వారా అభివృద్ధి వేగవంతం అవుతుందని ఈ సందర్భంగా ఆయన స్పష్టం చేశారు.