మమతకు అధికారం కోల్పోయే సమయం ఆసన్నమైందా? గూర్ఖాలకు అమిత్ షా బంపర్ ఆఫర్!

పశ్చిమబెంగాల్‌లో బీజేపీ అధికారంలోకి రావడం ఖాయమని కేంద్ర హోంమంత్రి అమిత్ షా ధీమా వ్యక్తం చేశారు. కుర్సెయోంగ్‌లో జరిగిన భారీ ఎన్నికల సభలో ఆయన మాట్లాడుతూ, మమతా బెనర్జీ ప్రభుత్వానికి గుడ్‌బై చెప్పే సమయం వచ్చేసిందని, ఇక మార్పు తప్పదని ఘాటుగా హెచ్చరించారు. గూర్ఖా సమస్యలకు ఆరు నెలల్లోనే శాశ్వత పరిష్కారం చూపుతామని, వారిపై నమోదైన తప్పుడు కేసులను జూలై 31 లోపు ఎత్తివేస్తామని హామీ ఇచ్చారు. గత ప్రభుత్వాలు గూర్ఖాలను నిర్లక్ష్యం చేశాయని, మోదీ నాయకత్వంలో గూర్ఖాలకు న్యాయం జరుగుతుందని స్పష్టం చేశారు.