పశ్చిమాసియా సంక్షోభం: మధ్యవర్తిత్వానికి భారత్ సిద్ధం - రాజ్‌నాథ్ సింగ్

అమెరికా-ఇరాన్ మధ్య నెలకొన్న ఉద్రిక్తతలను తగ్గించేందుకు భారత్ మధ్యవర్తిత్వం వహించే అవకాశం ఉందని రక్షణ మంత్రి రాజ్‌నాథ్ సింగ్ పేర్కొన్నారు. జర్మనీలో మాట్లాడుతూ, ప్రధాని మోదీ అనుసరిస్తున్న సమతుల్య దౌత్య విధానంతో ఈ సంక్షోభానికి శాశ్వత పరిష్కారం చూపే అవకాశం ఉందని ఆయన ఆశాభావం వ్యక్తం చేశారు. హర్మూజ్ జలసంధి పరిణామాలు భారత్ భద్రత, ఆర్థిక వ్యవస్థపై తీవ్ర ప్రభావం చూపుతున్నాయని ఆయన హెచ్చరించారు. తగిన సమయం వచ్చినప్పుడు భారత్ చొరవ తీసుకుంటుందని రాజ్‌నాథ్ స్పష్టం చేశారు.