పవన్ ఖేరాకు చుక్కెదురు: ముందస్తు బెయిల్ పిటిషన్ తిరస్కరణ.

అస్సాం సీఎం హిమంత బిశ్వశర్మ భార్యపై అనుచిత వ్యాఖ్యలు చేసిన కేసులో కాంగ్రెస్ నేత పవన్ ఖేరాకు ఎదురుదెబ్బ తగిలింది. ఈ కేసులో ఆయన దాఖలు చేసిన ముందస్తు బెయిల్ పిటిషన్‌ను గువాహటి హైకోర్టు తిరస్కరించింది. గతంలో తెలంగాణ హైకోర్టు తాత్కాలిక ఉపశమనం కల్పించినప్పటికీ, సుప్రీంకోర్టు ఆదేశాల మేరకు ఆయన అస్సాం కోర్టును ఆశ్రయించాల్సి వచ్చింది. ఇరుపక్షాల వాదనలు విన్న గువాహటి హైకోర్టు తాజాగా ఆయన బెయిల్ అభ్యర్థనను కొట్టివేసింది.