తెలంగాణలో విభిన్న వాతావరణం: ఎండల తీవ్రతతో పాటు అకాల వర్షాల హెచ్చరిక.

తెలంగాణలో వాతావరణం విచిత్రంగా మారింది. ఓవైపు ఎండల తీవ్రత పెరగడంతో హైదరాబాద్ వాతావరణ కేంద్రం ఆరెంజ్ అలర్ట్ జారీ చేసింది. సోమ, మంగళవారాల్లో రాష్ట్రవ్యాప్తంగా ఎండలు మండుతాయని అధికారులు హెచ్చరించారు. మరోవైపు ద్రోణి, క్యుములోనింబస్ మేఘాల ప్రభావంతో పలు జిల్లాల్లో ఉరుములు, మెరుపులు, ఈదురుగాలులతో కూడిన వర్షాలు, వడగళ్ల వానలు కురిసే అవకాశం ఉంది. వర్షాలు పడినా ఉక్కపోత తగ్గదని వాతావరణ శాఖ తెలిపింది.