టీసీఎస్ నాసిక్ ఘటనపై కేంద్ర సంస్థలతో విచారణకు సీఎం ఫడణవీస్ ఆదేశం.

నాసిక్ టీసీఎస్ క్యాంపస్‌లో జరిగిన లైంగిక వేధింపులు, మత మార్పిడి ఆరోపణలపై మహారాష్ట్ర సీఎం దేవేంద్ర ఫడణవీస్ తీవ్రంగా స్పందించారు. ఈ ఘటనపై సమగ్ర విచారణ కోసం కేంద్ర దర్యాప్తు సంస్థలను రంగంలోకి దించుతామని ఆయన ప్రకటించారు. బాధితురాలి ఫిర్యాదును హెచ్‌ఆర్ విభాగం నిర్లక్ష్యం చేయడంపై పోలీసులు ఆగ్రహం వ్యక్తం చేశారు. నిందితులకు అతివాద గ్రూపులతో సంబంధాలున్నాయనే కోణంలో దర్యాప్తు సాగుతోంది. ఇప్పటివరకు ఈ కేసులో ఎనిమిది మందిని పోలీసులు అరెస్ట్ చేశారు.