కాకినాడలో కొలువుల జాతర! రూ.700 కోట్లతో కొత్త పరిశ్రమ.. 2,000 మందికి ఉపాధి ఖాయం.

కాకినాడ సెజ్‌లో రూ.700 కోట్లతో కొత్త మెటలర్జికల్ కోక్ ప్లాంట్ ఏర్పాటుకు గ్రీన్ కోక్ ఎనర్జీ సంస్థ సిద్ధమైంది. చెన్నైకి చెందిన ఈ సంస్థ కాకినాడ సెజ్ లిమిటెడ్‌తో ఎంవోయూ కుదుర్చుకుంది, దీనివల్ల జిల్లాలో పారిశ్రామికాభివృద్ధి మరింత వేగవంతం కానుంది. ఈ పరిశ్రమ ద్వారా దాదాపు 2,000 మందికి ప్రత్యక్షంగా, పరోక్షంగా ఉపాధి లభించనుంది. 80 ఎకరాల్లో నిర్మించే ఈ ప్లాంట్ వల్ల తొండంగి, ఉప్పాడ ప్రాంతాల్లో ఆర్థిక కార్యకలాపాలు పెరిగి, స్థానికులకు మెరుగైన ఉపాధి అవకాశాలు లభిస్తాయని అధికారులు తెలిపారు.