అశోక చక్రంపై దాఖలైన పిటిషన్‌ను కొట్టేసిన సుప్రీంకోర్టు; నిర్మాణాత్మక అంశాలపై దృష్టి సారించాలని సూచన

జాతీయ పతాకంపై అశోక చక్రం ప్రదర్శన తీరుపై దాఖలైన పిటిషన్‌ను సుప్రీంకోర్టు కొట్టివేసింది. ఇటువంటి విషయాల్లో అనవసరంగా భావోద్వేగాలకు గురికావద్దని, సామాజికంగా ఉపయోగపడే నిర్మాణాత్మక అంశాలపై దృష్టి సారించాలని పిటిషనర్‌కు అత్యున్నత న్యాయస్థానం సూచించింది. వారణాసిలోని ఒక కూడలిలో ఉన్న అశోక చక్రాన్ని ఉదహరిస్తూ దాఖలైన ఈ వ్యాజ్యంపై సీజేఐ జస్టిస్ సూర్యకాంత్ నేతృత్వంలోని ధర్మాసనం అసహనం వ్యక్తం చేసింది. ఏవైనా అభ్యంతరాలు ఉంటే ముందుగా సంబంధిత అధికారుల దృష్టికి తీసుకెళ్లాలని ధర్మాసనం స్పష్టం చేసింది.