సిక్కింకు 'పూర్తి అక్షరాస్యత' హోదా

సిక్కిం రాష్ట్రం 'ఉల్లాస్' (ULLAS) పథకం ద్వారా పూర్తి అక్షరాస్యత సాధించిన రాష్ట్రంగా గుర్తింపు పొందింది. గ్యాంగ్‌టక్‌లో జరిగిన సిక్కిం విశ్వవిద్యాలయ స్నాతకోత్సవంలో రాష్ట్రపతి ద్రౌపదీ ముర్ము సమక్షంలో ఈ చారిత్రక ప్రకటన వెలువడింది. 15 ఏళ్లు పైబడిన అందరికీ విద్యావకాశాలు కల్పిస్తూ సిక్కిం ఈ మైలురాయిని చేరుకుంది. ఈ విజయం సిక్కిం ప్రభుత్వం, విద్యాశాఖ అధికారుల సమష్టి కృషికి నిదర్శనం. ముఖ్యమంత్రి ప్రేమ్ సింగ్ తమాంగ్ నేతృత్వంలో సామాజిక సాధికారత వైపు రాష్ట్రం మరో అడుగు ముందుకు వేసింది. ఈ గుర్తింపు సిక్కింను ఒక ప్రగతిశీల రాష్ట్రంగా నిలబెట్టింది.