గిరిజన సంక్షేమ సదస్సును ప్రారంభించిన రాష్ట్రపతి ద్రౌపది ముర్ము

రాష్ట్రపతి ద్రౌపది ముర్ము బుధవారం న్యూఢిల్లీలో గిరిజన అభివృద్ధి సంస్థల జాతీయ సదస్సును ప్రారంభించారు. ఈ సందర్భంగా ఆమె మాట్లాడుతూ, సాంస్కృతికంగా ఎంతో సుసంపన్నమైన గిరిజన సమాజాన్ని ముందుకు నడిపించేందుకు, అభివృద్ధి ఫలాలను ప్రతి చివరి గ్రామానికి చేర్చడానికి మరిన్ని కృషి జరగాలని పిలుపునిచ్చారు. ‘జనజాతీయ గరిమ ఉత్సవ్ 2026’లో భాగంగా జరుగుతున్న ఈ సదస్సులో 26 రాష్ట్రాలు, 4 కేంద్రపాలిత ప్రాంతాల ప్రతినిధులు పాల్గొన్నారు. గిరిజన సంక్షేమ పథకాలను మరింత సమర్థవంతంగా, సాంకేతికతతో ప్రజల్లోకి తీసుకెళ్లడమే లక్ష్యంగా ఈ సదస్సు సాగుతోంది.