పోటీ పరీక్షలకు వ్యూహాత్మక సన్నద్ధత అవసరం

జేఈఈ మెయిన్, ఎప్‌సెట్‌తోపాటు వివిధ విశ్వవిద్యాలయాల ప్రవేశ పరీక్షలకు విద్యార్థులు ప్రణాళికాబద్ధంగా సిద్ధం కావాలని నిపుణులు సూచిస్తున్నారు. జనవరి 22 నుంచి జేఈఈ మెయిన్ తొలి విడత పరీక్షలు ప్రారంభం కానున్నాయి. తొలి విడతలో సాధించిన పర్సంటైల్ ఆధారంగా తదుపరి పరీక్షలను ఎంచుకోవాలని సూచిస్తున్నారు. ప్రవేశాల్లో ఇంటర్ మార్కులకూ ప్రాధాన్యం ఉందని, ప్రత్యామ్నాయ అవకాశాలను పరిశీలించాలని చెబుతున్నారు.