ఒడిశాలో రెండు తలల శిశువు జననం

ఒడిశాలోని కందమాల్ జిల్లాకు చెందిన గర్భిణి రెండు తలల మగ శిశువుకు జన్మనిచ్చింది. బెర్హంపుర్‌లోని ఎంకేసీజీ మెడికల్ కాలేజీ, ఆస్పత్రిలో ఈ శిశువు జన్మించింది. వైద్యపరంగా డిసెఫాలిస్ పారాపగ్నస్‌గా పిలిచే ఈ అరుదైన స్థితిలో రెండు తలలు, మెడలు ఒకే శరీరానికి అనుసంధానమై ఉంటాయి. ఇది 3 లక్షల జననాల్లో ఒక్కరికి సంభవిస్తుందని అంచనా. శిశువు ఆరోగ్యంపై పూర్తి వివరాలు తెలియాల్సి ఉంది.