మటన్‌ బిర్యానీలో మనిషి దంతం

హైదరాబాద్‌ మాదాపూర్‌లోని ఓ రెస్టారెంట్‌లో మటన్‌ బిర్యానీలో మనిషి దంతం కనిపించింది. చందానగర్‌కు చెందిన శ్యామ్‌ప్రసాద్‌ స్నేహితులతో కలిసి బిర్యానీ తింటుండగా ఈ ఘటన చోటుచేసుకుంది. దీనిపై ఆయన ఫుడ్‌ సేఫ్టీ అధికారులకు ఫిర్యాదు చేశారు. దంతం కృత్రిమ పన్ను క్యాప్‌ అయి ఉండొచ్చని ఫుడ్‌ సేఫ్టీ అధికారి నిహారిక అనుమానం వ్యక్తం చేశారు. రెస్టారెంట్‌లో తనిఖీలు చేపట్టి, ఘటనపై చట్టపరమైన చర్యలు తీసుకుంటామని తెలిపారు.