నేపాల్ ప్రతినిధితో మోదీ భేటీ: ప్రత్యేక సంబంధాలకు ప్రాధాన్యత

ప్రధాని నరేంద్ర మోదీ బుధవారం న్యూఢిల్లీలో నేపాల్ రాష్ట్రీయ స్వతంత్ర పార్టీ అధ్యక్షుడు రబీ లామిచ్చేన్‌తో సమావేశమయ్యారు. భారతదేశపు 'నేబర్‌హుడ్ ఫస్ట్' విధానంలో నేపాల్‌కు అత్యంత ప్రాధాన్యత ఉందని, ఉభయ దేశాల బహుముఖ సంబంధాలను మరింత ఉన్నత స్థాయికి తీసుకెళ్తామని ఈ సందర్భంగా మోదీ పేర్కొన్నారు. ఉమ్మడి సంపన్న భవిష్యత్తు కోసం భారత్‌తో కలిసి పనిచేయాలనే నేపాల్ నూతన ప్రభుత్వ ఆకాంక్షను ప్రధాని స్వాగతించారు. ఇరు దేశాల మధ్య ఉన్న ప్రత్యేక బంధాన్ని మరింత బలోపేతం చేసేందుకు కలిసికట్టుగా ముందుకు సాగుతామని ఆయన వెల్లడించారు.