ప్రభుత్వ బడుల్లో అల్పాహార పథకం ప్రారంభించిన మంత్రి పొన్నం

తెలంగాణలోని ప్రభుత్వ పాఠశాలల్లో అల్పాహార పథకం నేడు ఘనంగా ప్రారంభమైంది. హైదరాబాద్‌ రాజ్‌భవన్ పాఠశాలలో మంత్రి పొన్నం ప్రభాకర్ స్వయంగా ఈ కార్యక్రమాన్ని ప్రారంభించి, విద్యార్థులకు అల్పాహారం వడ్డించారు. ఈ పథకం ద్వారా రాష్ట్రవ్యాప్తంగా సుమారు 1.44 లక్షల మంది విద్యార్థులకు లబ్ధి చేకూరనుంది. వేసవి సెలవుల అనంతరం పాఠశాలలు పునఃప్రారంభమైన తొలిరోజే, విద్యార్థులకు కొత్త పుస్తకాలు, నోట్‌బుక్కులను పంపిణీ చేసేందుకు అధికారులు అన్ని ఏర్పాట్లు పూర్తి చేశారు.