మదనపల్లె-తిరుపతి బైపాస్‌లో ప్రమాదం

మదనపల్లె-తిరుపతి బైపాస్‌లో సీటీఎం చెరువు వద్ద బుధవారం తెల్లవారుజామున బియ్యం లోడ్‌తో వెళ్తున్న టెంపో బోల్తా పడింది. రోడ్డుపై అడ్డంగా పడిపోవడంతో కొద్దిసేపు వాహనాల రాకపోకలకు అంతరాయం ఏర్పడింది. ఈ ప్రమాదంలో డ్రైవర్‌కు గాయాలయ్యాయి. సమాచారం అందుకున్న పోలీసులు ఘటనా స్థలికి చేరుకుని పరిశీలించారు. టెంపోను పక్కకు తొలగించారు. ప్రమాదానికి కారణం తెలియాల్సి ఉంది.