ఐటీ షేర్లకు జోష్.. ఇన్ఫోసిస్, టీసీఎస్ లాభాలతో నిఫ్టీ ఐటీ సూచీ 2% ఎగిసింది

అమెరికా ఫెడరల్ రిజర్వ్ వడ్డీ రేట్ల పెంపుపై అంచనాలు తగ్గడంతో సోమవారం ఐటీ షేర్లలో కొనుగోళ్లు పెరిగాయి. ఇన్ఫోసిస్, టీసీఎస్, టెక్ మహీంద్రా, హెచ్‌సీఎల్ టెక్నాలజీస్ షేర్లు 2–3 శాతం వరకు లాభపడ్డాయి. నిఫ్టీ ఐటీ సూచీ 2.25 శాతం ఎగసింది. అమెరికా–ఇరాన్ ఉద్రిక్తతలు తగ్గడం, ముడిచమురు ధరలు పడిపోవడం మార్కెట్ సెంటిమెంట్‌కు ఊతమిచ్చాయని మార్కెట్ నిపుణులు తెలిపారు.