అరుణాచల్ సరిహద్దులో చొరబాట్లు అవాస్తవం

అరుణాచల్ ప్రదేశ్‌లో చైనా సైన్యం చొరబాట్లకు పాల్పడి శిబిరాలు ఏర్పాటు చేసిందన్న వార్తలను భారత సైన్యం ఖండించింది. ఇవి పూర్తిగా నిరాధారమైన మరియు అసత్య ప్రచారాలని స్పష్టం చేస్తూ ప్రజలను అప్రమత్తం చేసింది. స్థానికులు చేసిన ఆరోపణలను ప్రాతిపదికగా తీసుకున్న మీడియా కథనాలు వాస్తవ విరుద్ధమని ఆర్మీ పేర్కొంది. సరిహద్దు భద్రత విషయంలో ఇలాంటి తప్పుడు సమాచారాన్ని నమ్మవద్దని అధికారికంగా హెచ్చరించింది.