అసోం సీఎంగా హిమంత బిశ్వ శర్మ.. గవర్నర్‌ను కలిసి ప్రభుత్వం ఏర్పాటుకు విజ్ఞప్తి!

అసోం అసెంబ్లీ ఎన్నికల్లో ఎన్డీయే కూటమి ఘనవిజయం సాధించిన నేపథ్యంలో, హిమంత బిశ్వ శర్మను శాసనసభాపక్ష నేతగా ఏకగ్రీవంగా ఎన్నుకున్నారు. ఆదివారం ఆయన గవర్నర్ లక్ష్మణ్ ప్రసాద్ ఆచార్యను కలిసి ప్రభుత్వం ఏర్పాటుకు హక్కును వినియోగించుకున్నారు. ఈ నెల 12న ప్రధాని మోదీ సమక్షంలో ఆయన సీఎంగా ప్రమాణస్వీకారం చేయనున్నారు. బీజేపీ నేతృత్వంలోని కూటమి 102 స్థానాలను గెలుచుకుని, వరుసగా మూడోసారి అధికార పగ్గాలు చేపట్టబోతోంది. అసోంను అభివృద్ధి పథంలో నడిపిస్తానని ఈ సందర్భంగా శర్మ హామీ ఇచ్చారు.