తమాషాలు చేస్తున్నారా?: టీమిండియా నిర్ణయాలపై దినేష్ కార్తీక్ ఫైర్!

ఇంగ్లాండ్‌తో జరిగిన మూడో టీ20 మ్యాచ్‌లో టీమిండియా 125 పరుగుల తేడాతో ఘోర పరాజయాన్ని మూటగట్టుకుంది. జోష్ టంగ్, జోఫ్రా ఆర్చర్ ధాటికి ఐదు ఓవర్లలోనే భారత్ సగం వికెట్లు కోల్పోయింది. మేనేజ్‌మెంట్ తీసుకున్న తప్పుడు నిర్ణయాలే ఈ ఓటమికి ప్రధాన కారణమని మాజీ క్రికెటర్ దినేష్ కార్తీక్ తీవ్రంగా విమర్శించాడు. ముఖ్యంగా పవర్‌ప్లేలో శివమ్ దూబే కంటే ముందుగా హర్షిత్ రాణాను బ్యాటింగ్‌కు పంపించడాన్ని ఆయన తప్పుబట్టాడు. "తమాషాలు చేస్తున్నారా? దేశవాళీ క్రికెట్‌లోనూ పవర్‌ప్లేలో బ్యాటింగ్ చేయని అతడిని ఇలా పంపడమేంటి?" అంటూ టీమిండియా బ్యాటింగ్ ఆర్డర్ ప్రయోగాలపై కార్తీక్ ఆగ్రహం వ్యక్తం చేశాడు.